Լուրեր

ԱԱԳԼ առաջատար գիտաշխատող Արա Սեդրակյանը պարգևատրվել է Գիտության համաշխարհային օրվա առթիվ

Նոյեմբերի 10-ին՝ Գիտության համաշխարհային օրվա և Հայաստանի գիտությունների ազգային ակադեմիայի հիմնադրման օրվա առթիվ, ԳԱԱ-ում տեղի է ունեցել «Ընդհանուր եզրեր՝ գիտական դիվանագիտության միջոցով» խորագրով հանդիսավոր նիստը։

 

Միջոցառմանը մասնակցել են ՀՀ կրթության, գիտության, մշակույթի և սպորտի նախարար Ժաննա Անդրեասյանը, ԳԱԱ նախագահ Աշոտ Սաղյանը, Բարձրագույն կրթության և գիտության կոմիտեի նախագահի պարտականությունները կատարող Լիլիթ Մկրտչյանը, ինչպես նաև Հայաստանի և արտերկրի բուհերի ու գիտակրթական կառույցների ներկայացուցիչներ։

 

Նիստի ընթացքում անդրադարձ է կատարվել գիտության զարգացմանը, միջազգային գիտական համագործակցության ընդլայնմանը, գիտական դիվանագիտության դերին և գիտության արդյունքները հասարակության ու տնտեսության զարգացմանը ծառայեցնելու կարևորությանը։

 

Միջոցառման շրջանակում մի խումբ գիտնականներ պարգևատրվել են ՀՀ ԿԳՄՍ նախարարության պատվոգրերով՝ գիտական և կրթական ոլորտներում երկարամյա անբասիր աշխատանքի և արդյունավետ գիտական գործունեության համար։

 

Պարգևատրվածների թվում էր նաև Ա. Ի. Ալիխանյանի անվան ազգային գիտական լաբորատորիայի (ԱԱԳԼ) առաջատար գիտաշխատող, պրոֆեսոր Արա Սեդրակյանը։

 

Միջոցառման գիտական հատվածում ներկայացվել են զեկուցումներ դիվանագիտության, արհեստական բանականության, ինչպես նաև գենոմային տեխնոլոգիաների վերաբերյալ։

 

 


Share
  • Facebook
  • Instagram
  • Linkedin
  • Telegram

Սպասվող միջոցառումներ11

Բոլոր միջոցառումները

Առնչվող թեմաներ