ԱԱԳԼ քվանտային տեխնոլոգիաների բաժանմունքը ստեղծվել է 2022 թվականին՝ արձագանքելու ոլորտի արդիական մարտահրավերներին։ Բաժանմունքի աշխատակիցները զբաղվում են քվանտային տեխնոլոգիաների տեսական հաշվարկներով, նոր մոդելների զարգացմամբ, իսկ հետազոտությունների արդյունքները տպագրվում են առաջատար գիտական պարբերականներում։
Քվանտային տեխնոլոգիաների բաժանմունքը մշակել է քվանտային համակարգիչների նոր մոդել (ինչը քվանտային հատկություններից օգտագործում է միայն քվանտային զուգահեռումը), ուսումնասիրել է քվանտային և դասական միաչափ Իզինգի մոդելը, դրանց փուլերը և փուլային անցումները, ուսումնասիրել է SSH տոպոլոգիական ցանցի մոդելը PT-սիմետրիկ պոտենցիալի առկայության դեպքում, մասնակցել հիբրիդային քվանտային համակարգերի փորձարարական ուսումնասիրությանը (ինչը ներառում է գերհաղորդիչ շղթա և լազերով գրգռված ատոմներ), իրականացրել ճառագայթման օպտիմալ փոխանցումը միկրոալիքային և օպտիկական տիրույթների միջև (քվանտային ինտերնետը քվանտային համակարգիչներով իրականացնելու համար), պարզաբանել մագնիսական դաշտի ազդեցությունը դասական հավասարակշիռ լիցքերի և նրանց թերմոստատի վրա, փնտրել տեքստերի համառոտագրման լավագույն այբուբենը, հետազոտել մոդելի վրա կուտակված և դիսիպացված էներգիաների կապը և տարբերությունը ֆիզիկական համակարգերում, ներմուծել և հետազոտել թերմոդինամիկական սելեկցիայի գաղափարը, հայտնաբերել տեքստերում բանալի բառերի զտման էֆեկտիվ, ոչ-ուղղորդված մեթոդ և քվանտային օպտիկայում նկարագրել աղմուկների առաջացման ընդհանուր մեխանիզմը՝ ցույց տալով դրա դեմ պայքարի միջոցը։ Բաժանմունքում իրականացվող հետազոտություններն ընդգրկում են միջգիտակարգային ոլորտներ, որտեղ համադրվում են տեսական և մաթեմատիկական ֆիզիկայի, կենսաֆիզիկայի մոտեցումները, ինչպես նաև ֆիզիկական մոդելների մշակումը և կիրառումը կենսաբանության, նյութագիտության և հարակից այլ բնագավառներում։
Հ.Վարդապետյանի անվան փորձարարական ֆիզիկայի բաժանմունք
ԱԱԳԼ-ի (Երևանի ֆիզիկայի ինստիտուտ) Փորձարարական Ֆիզիկայի Բաժանմունքի (ՓՖԲ) գործունեությունը սկսվել է 1967 թ.-ին, երբ գործարկվեց 6 ԳէՎ էներգիայով Երևանի էլեկտրոնային սինքրոտրոնը։
Ս.Մատինյանի անվան տեսական ֆիզիկայի կենտրոն
Խորհրդային տարիներին Երևանի ֆիզիկայի ինստիտուտի տեսական ֆիզիկայի բաժինը Հայաստանում տեսական ֆիզիկայի կենտրոնն էր՝ հիմնադիր, երկարամյա ղեկավար, պրոֆեսոր Սերգեյ Մատինյանի գլխավորությամբ։
Կոսմոլոգիայի և աստղաֆիզիկայի կենտրոն
Տիեզերական ճառագայթների ֆիզիկայի բաժանմունք
Տիեզերական ճառագայթների հետազոտությունները Հայաստանում սկսվել են դեռևս 1943 թվականին՝ Արտեմ և Աբրահամ Ալիխանյանների նախաձեռնությամբ։ Այդ ժամանակից ի վեր հետազոտությունները շարունակվում են ԱԱԳԼ-ի Նոր Ամբերդ և Արագած բարձր լեռնային գիտական կայաններում։
Հաշվողական ֆիզիկայի և տեղեկատվական տեխնոլոգիաների բաժանմունք
ԱԱԳԼ Հաշվողական Ֆիզիկայի և Տեղեկատվական Տեխնոլոգիաներ բաժինը իրականացնում է աշխատանքներ երկու հիմնական ուղղություններով․ հաշվողական ֆիզիկա և տվյալների վերլուծություն (գիտական գործունեություն), հաշվողական և ցանցային ռեսուրսների մշակում ու սպասարկում (ծրագրատեխնիկական գործունեություն):
Ֆիզիկայի կիրառական հետազոտությունների բաժանմունք
Կիրառական ֆիզիկայի հետազոտությունների բաժինը հետազոտություններ է իրականացնում նյութագիտության ոլորտում: Բաժնի նպատակային ուղղություններից մեկը ճառագայթման (էլեկտրոնային, պրոտոնային փնջերի) ազդեցության ուսումնասիրությունն է նյութի ֆիզիկական, օպտիկական և կենսաբանական հատկությունների վրա:
Իզոտոպների հետազոտման և արտադրության բաժանմունք
Իզոտոպների հետազոտման և արտադրության բաժինը հիմնադրվել է 2010 թվականին: Բաժինը զբաղվում է բժշկական նպատակներով ռադիոակտիվ իզոտոպներ արտադրելու տեխնոլոգիաների ստեղծմամբ և մշակմամբ, ինչպես նաև արտադրական գործընթացի կազմակերպմամբ:
ՀՀ, ք․ Երևան, 0036, Ալիխանյան եղբայրների փողոց, 2
+(374) 10 341 500
info@aanl.am
