Կոսմոլոգիայի և աստղաֆիզիկայի կենտրոն

ԱԱԳԼ կոսմոլոգիայի և աստղաֆիզիկայի կենտրոնում իրականացվում են հետազոտություններ նվիրված տիեզերագիտության ոչ գծային խնդիրներին, տիեզերքի մեծ մասշտաբային կազմությանը, գրավիտացիոն համակարգերի քաոսային դինամիկային, դինամիկական համակարգերի վարքագծի ուսումնասիրությանը։ Կենտրոնի գիտական հետաքրքրությունների շրջանակն ընդգրկում է նաև գերնոր (Supernova) աստղերի ֆիզիկան, ինչպես նաև մեքենայական ուսուցման (Machine Learning) ալգորիթմների կիրառմամբ աստղաֆիզիկական տվյալների մշակման ու վերլուծության արդիական հարցերը։

 

Կենտրոնի կարևորագույն հետազոտությունների թվում են սինքրոտրոնային ճառագայթման եվրոպական համալիրում (ESRF, Գրենոբլ) բարձր ճշտությամբ իրականացված լույսի արագության ինվարիանտության թեստավորումը (Քենեդի-Թորնդայկի փորձ), ինչպես նաև մասնակցությունը LARES արբանյակային ծրագրին (ASI, ESA), փորձնականորեն վերահաստատելու հարաբերականության ընդհանուր տեսության և հիմնարար ֆիզիկայի որոշ առանցքային դրույթների ճշմարտացիությունը։ Ստացված արդյունքները լայնորեն լուսաբանվել են միջազգային լրատվամիջոցներով և ներկայումս ներառված են գիտական տեղեկագրերում ու դասագրքերում։

 

Տես ավելին

Համագործակցություն

  • Կալիֆորնիայի տեխնոլոգիական ինստիտուտ, ԱՄՆ (դիտողական կոսմոլոգիա)
  • Լ․ Լանդաուի անվան տեսական ֆիզիկայի ինստիտուտ, Մոսկվա, Ռուսաստան (տեսական կոսմոլոգիա)
  • Աստղաֆիզիկայի ինստիտուտ, Փարիզ, Ֆրանսիա (գալակտիկաների կույտեր, գերնորեր)
  • Սապիենցա համալսարան, Իտալիա (LARES, գալակտիկական հալոներ)
  • Սալենտոյի համալսարան, Իտալիա (LARES, գալակտիկական հալոներ)
  • Աստղաֆիզիկայի լաբորատորիա, Լոզան, Շվեյցարիա (աստղաֆիզիկական տվյալների մշակում, գրավիտացիոն ոսպնյակներ)  
Փաստաթղթերի նմուշային ձևեր
Ներբեռնել հայերեն տարբերանշանը
Ներբեռնել անգլերեն տարբերանշանը
© 2026 «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ