Միջոցառումներ

ԱԱԳԼ-ն մասնակցել է «Գիտություն × բիզնես» համաժողովին

Նոյեմբերի 6-ին Ա. Ի. Ալիխանյանի անվան ազգային գիտական լաբորատորիան (ԱԱԳԼ) մասնակցել է «Գիտություն × բիզնես» համաժողովին, որն անցկացվել է «Հայաստանի գիտության շաբաթ» նախաձեռնության շրջանակում՝ «Արմենիա Մարիոթ» հյուրանոցում։

 

Համաժողովը մեկտեղել է գիտական համայնքի, մասնավոր հատվածի և պետական կառույցների ներկայացուցիչներին՝ գիտական կարողությունները բիզնեսի տեխնոլոգիական և արտադրական կարիքների հետ համադրելու, նոր գործընկերություններ ձևավորելու և համատեղ նախագծերի հնարավորությունները քննարկելու նպատակով։ Օրվա ընթացքում տեղի են ունեցել պանելային քննարկումներ, գիտական թիմերի և ընկերությունների ներկայացումներ, ինչպես նաև մասնագիտական հանդիպումներ։

 

Համաժողովի շրջանակում ԱԱԳԼ միջազգային համագործակցությունների կազմակերպման հարցերով պատասխանատու Արծրուն Պիվազյանը ներկայացրել է լաբորատորիայի գիտական և տեխնոլոգիական կարողությունները, ենթակառուցվածքներն ու համագործակցության հնարավորությունները։ Ներկայացման ընթացքում անդրադարձ է կատարվել ԱԱԳԼ գործունեության հիմնական ուղղություններին, միջազգային համագործակցություններին, արագացուցչային և հետազոտական ենթակառուցվածքներին, դետեկտորների մշակման, հաշվողական ֆիզիկայի և բժշկական իզոտոպների արտադրության հնարավորություններին։

 

Համաժողովը հարթակ է ստեղծել գիտական կառույցների և ընկերությունների միջև անմիջական կապերի հաստատման, փոխադարձ կարիքների բացահայտման և հետագա համագործակցության հնարավոր ուղղությունների քննարկման համար։

 

 

 

Share
  • Facebook
  • Instagram
  • Linkedin
  • Telegram

Սպասվող միջոցառումներ11

Բոլոր միջոցառումները

Առնչվող թեմաներ

Փաստաթղթերի նմուշային ձևեր
Ներբեռնել հայերեն տարբերանշանը
Ներբեռնել անգլերեն տարբերանշանը
© 2026 «Ա. Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամ