ԱԱԳԼ տնօրեն, պրոֆեսոր Անի Ապրահամյանի ցավակցական ուղերձը

Խորը ցավով տեղեկացա լազերային ֆիզիկայի և օպտիկայի բնագավառի ակնառու մասնագետ, ֆիզիկական և մաթեմատիկական գիտությունների դոկտոր, պրոֆեսոր Միշիկ Ղազարյանի վաղաժամ մահվան մասին:

Գիտության և տեխնիկայի ԽՍՀՄ պետական մրցանակի դափնեկիրը, ՀՀ ԳԱԱ արտասահմանյան անդամը բացառիկ գիտնական էր, բարձր հզորության վերալարվող լազերների ստեղծման, պայծառության ուժեղացման ակտիվ օպտիկական համակարգերի մշակման, գունային ակուստո-օպտիկական հեռուստացույցային համակարգերի և լազերային բժշկության սարքերի կառուցման, լազերների միջոցով միկրոմասնիկների արագացման մեխանիզմների ուսումնասիրության, ջրային լուծույթներում լույսի բազմակի դինամիկ ցրման և ակվակոմպլեքսների էլեկտրամակածված դրեյֆի ժամանակ լուսամակածված երևույթների ուսումնասիրությունների հեղինակ։

Հանճարեղ գիտնականն աշխատել է Լեբեդևի ֆիզիկական ինստիտուտում 1970 թվականից: 1989-ին պաշտպանել է դոկտորական ատենախոսությունը, 2003-ից ՝ պրոֆեսոր:

2003-ին ընտրվել է Պրոխորովի ճարտարագիտական գիտությունների ակադեմիայի լիիրավ անդամ, իսկ 2008-ին՝ ՀՀ ԳԱ արտասահմանյան անդամ: Նա ղեկավարել է ISTC- ի և CRDF- ի բազմաթիվ միջազգային նախագծեր, եղել է Ռուսաստանի գիտությունների ակադեմիայի լուսավորության գիտական խորհրդի գիտական քարտուղար, ծրագրի և կազմակերպչական հանձնաժողովների անդամ, ներքին և միջազգային բազմաթիվ գիտաժողովների բաժինների նախագահ:Եղել է «Լազերներ ճարտարագիտության մեջ», «Այլընտրանքային էներգիա և էկոլոգիա» ամսագրերի խմբագրական խորհուրդների անդամ, Եվրասիական ֆիզիկական ընկերության խորհրդի անդամ, Հայաստանի Գիտության և առաջատար տեխնոլոգիաների ազգային հիմնադրամի անդամ:

Դժվար է հավատալ մեծ մարդու այլևս չլինելու մտքի հետ: Բայց որպես սրտի մխիթարանք, վստահ եմ՝ Միշիկ Ղազարյանի թողած հարուստ գիտական ժառանգությունը դառնալու է գիտական և դասագրքային մեծ հիմք՝ ապագա սերունդների համար:

Մեծ կորստի այս պահին ցավակցություններս եմ հայտնում հանճարեղ մարդու ընտանիքի անդամներին, հարազատներին, ընկերներին և բոլորիս: